اسلام آباد: اقتصادی رابطہ کمیٹی کا اجلاس 22 اکتوبر کو ہوگا جس میں بجلی کے نرخوں میں مزید اضافے کا جائزہ لیا جائے گا۔
تفصیلات کے مطابق اجلاس میں اقتصادی اور معاشی صورتحال کا جائزہ لیا جائے گا , بجلی کے نرخوں میں اضافے سے متعلق سمری بھی زیر غور آئے گی۔
ذرائع کا کہنا ہے کہ نیپرا نے بجلی کے نرخوں میں 3 روپے 81 پیسے اضافے کی تجویز دی ہے ، پاور ڈویژن نے بھی بجلی کے نرخوں میں اضافے کی سفارش کی ہے۔
اس سے قبل اقتصادی رابطہ کمیٹی 2 بار بجلی کے نرخوں میں اضافے کا فیصلہ مؤخر کر چکی ہے ، پاور ڈویژن نے ماہانہ 50 یونٹ تک استعمال والے صارفین کو استثنیٰ کی سفارش بھی کی ہے۔
اجلاس میں آئی ایم ایف اور ایف اے ٹی ایف کے جائزہ مشن سے مذاکرات زیر غور آنے کا بھی امکان ہے۔
خیال رہے کہ گزشتہ ماہ ہونے والی اقتصادی رابطہ کمیٹی اجلاس میں گیس کی قیمتوں میں اضافے کی منظوری دی گئی تھی۔
