جمیکا :ویسٹ انڈیز کے جزیرے جمیکا کے دارالحکومت میں اچانک آسمانی بجلی گرنے سے فٹ بال کے دوکھلاڑی شدید زخمی ہو گئے ،ان منا ظر کو کیمرے کی آنکھ نے قید کر لیا ۔
تفصیلات کے مطابق دو کالج کی ٹیموں کے فٹ بال میچ کے دوران آسمانی بجلی گرنے سے ہر طرف افرا تفری پھیل گئی ،سوشل میڈیا پر وائرل ہونے والی ویڈیو میں دیکھا جاسکتا ہے کہ میچ کے دوران اچانک بجلی چمکی جس کے بعد 2 کھلاڑی اپنا سر پکڑ کر زمین پر گرگئے جس کے فوری بعد میچ روک دیا گیا۔
575d5508bf01d2ea6def846a0d4e50b5
آسمانی بجلی گرنے کے فوراََ بعد دونوں کھلاڑیوں کو ہسپتال منتقل کر دیا گیا ،فی الوقت دونوں کھلاڑیوں کو سینے میں شدید تکلیف ہے جن کو انتہائی نگہداشت کے وارڈ میں رکھا گیا ہے ،ذرائع کے مطابق مزید تین کھلاڑی بھی آسمانی بجلی گرنے سے متاثر ہو ئے تھے جنہیں ابتدائی طبی امداد گراﺅنڈ میں ہی دے گی گئی تھی ۔
