فاروق ستار پیش نہ ہوئے تو جیل بھیج دیں گے: انسداد دہشت گردی عدالت

فاروق ستار پیش نہ ہوئے تو جیل بھیج دیں گے: انسداد دہشت گردی عدالت
عدالت کا فاروق ستار کیخلاف کارروائی کا فیصلہ، فوٹو بشکریہ فیس بک

کراچی: انسداد دہشت گردی عدالت کے جج نے فاروق ستار کی عدم حاضری پر برہمی کا اظہار کرتے ہوئے کہا ہے کہ ایم کیو ایم کے رہنما فاروق ستار پیش نہ ہوئے تو جیل بھیج دیں گے۔


کراچی کی انسداد دہشتگردی عدالت میں ایم کیوایم بانی کی اشتعال انگیز تقریر کے مقدمات کی سماعت ہوئی۔ ایم کیو ایم رہنما محفوظ یار خان، شاہد پاشا، حنید لاکھانی اور دیگر پیش ہوئے۔ ایم کیو ایم رہنما فاروق ستار کی عدم حاضری پر عدالت نے برہمی کا اظہار کیا۔ فاضل جج نے کہا کہ فاروق ستار آئندہ سماعت پر پیش نہ ہوئے تو جیل بھیج دیں گے۔ ایم کیو ایم کے وکیل نے کہا کہ فاروق ستار مصروفیت کی وجہ سے پیش نہیں ہوسکتے، حاضری سے استثنیٰ دیا جائے۔

یہ خبر بھی پڑھیں: سابق وزیر اعظم نواز شریف کل وطن واپس پہنچیں گے

 عدالت نے پیش نہ ہونے پر ایم کیو ایم کے دوسرے رہنما امجد اللہ کی ضمانت منسوخ کرتے ہوئے وارنٹ گرفتاری جاری کر دیئے۔ عدالت نے امجد اللہ اور دیگر کو 5 مئی تک گرفتار کرکے پیش کرنے کا حکم دے دیا۔ رینجرز کی مدعیت میں تھانہ عزیزآباد میں ملزمان کے خلاف مقدمہ درج ہے۔ پولیس کے مطابق بانی ایم کیوایم نے قومی اداروں کے خلاف نازیبا زبان استعمال کی۔

یہ خبر بھی پڑھیں: انتخابات جیتنے پر اسلام آباد ائر پورٹ کا بریفنگ ہال ڈانس کلب بن گیا

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں