کراچی :معروف اداکار حمزہ علی عباسی نے بھی اپنا جیون ساتھی ڈھونڈ لیا ہے اور وہ اداکارہ نمل خاور سے شادی کرنے جارہے ہیں۔
ffb5833046663476ca314f9436050b34
تفصیلات کے مطابق معروف اداکار حمزہ علی عباسی اور اداکارہ نمل خاورجلد رشتہ ازدواج کے بندھن میں بندھنے جا رہے ہیں۔حمزہ علی عباسی 25 اگست کو اپنی دلہنیا گھر لائیں گے جبکہ ان کا ولیمہ 26 اگست ہو گا۔خیال رہے کہ حمزہ کی ہونے والی اہلیہ نمل خاور شوبز سے وابستہ ہیں اور کئی ڈراموں میں اداکاری کے جوہر دکھا چکی ہیں۔
83741a2c67b1fb8ef716c26c808358b6
حمزہ علی عباسی کی ولیمے کی تقریب میں پاکستان تحریک انصاف سے وابستہ وفاقی وزراءاور اہم شخصیات شرکت کریں گی۔یاد رہے کہ حمزہ علی عباسی پی ٹی آئی میں اہم عہدے پر بھی فائز رہ چکے ہیں۔
حمزہ کی اہلیہ نمل خاور ان دنوں ہم ٹی وی کے معروف ڈرامے آنا میں اداکاری کے جوہر دکھارہی ہیں۔واضح رہے کہ اس سے قبل گزشتہ روز قومی کرکٹر حسن علی بھی رشتہ ازدواج میں منسلک ہوئے۔ ان کے نکاح کی تقریب دبئی کے اٹلانٹس ہوٹل میں منعقد ہوئی۔
