اسلام آبادمیں دہشتگردوں کا حملہ

اسلام آبادمیں دہشتگردوں کا حملہ

اسلام آباد میں افسوناک واقع اس وقت پیش آیا جب وفاقی دارالحکومت میں تھانہ سبزی منڈی کی حدود میں ناکہ پر پولیس اہلکاروں پر نامعلوم دہشتگردوں نے فائرنگ کر دی ۔


تفصیلات کے مطابق ملزمان کی اندھا دھند فائرنگ سے دو پولیس اہلکار شہید اور دو زخمی ہو گئے ،پولیس کے مطابق اسلام آباد کے تھانہ سبزی منڈی کی حدود میں ناکہ پر پولیس اہلکار اپنے فرائض انجام دے رہے تھے کہ اس دوران نامعلوم دہشت گردوں نے فائرنگ کر دی۔

ملزمان کی فائرنگ کے نتیجے میں زخمی ہونے والے اہلکاروں کو پمزہسپتال منتقل کر دیا گیا جہاں انہیں طبی امداد دی جا رہی ہے تاہم ہسپتال انتظامیہ کے مطابق ایک زخمی اہلکار کی حالت تشویشناک ہے،پولیس نے علاقے کو گھیرے میں لے کر ملزمان کی تلاش شروع کر دی۔