کوالالمپور سمٹ کا تصحیح شدہ اعلامیہ جاری، پاکستان مجوزہ ٹی وی چینل کا حصہ

کوالالمپور سمٹ کا تصحیح شدہ اعلامیہ جاری، پاکستان مجوزہ ٹی وی چینل کا حصہ

کوالالمپور: کوالالمپور سمٹ 2019 کو تصحیح شدہ اعلامیہ جاری کردیا گیا جس کے مطابق پاکستان بھی مجوزہ ٹی وی چینل منصوبے کا حصہ ہوگا۔


تفصیلات کے مطابق سمٹ کے ابتدائی اعلامیے میں پاکستان کا ذکر کیے بغیر لکھا گیا تھا ٹی وی چینل منصوبے میں ملائیشیا، ترکی اور قطر شامل ہوں گے۔یاد رہے کہ ستمبر 2019 میں پاکستان، ترکی اور ملائیشیا نے انگریزی چینل شروع کرنے کا اعلان کیا تھا۔

عمران خان نے کہا تھا چینل کے ذریعے مسلمانوں کے مسائل کو اجاگر کیا جائے گا جبکہ ٹی وی چینل اسلاموفوبیا کا بھی مقابلہ کرے گا۔یاد رہے کہ کوالالمپور سمٹ میں 52 ممالک کے 400 نمائندے سمیت 250 سیاستدان، صدور اور رہنما شریک ہیں۔

سمٹ 18 سے 21 دسمبر تک ملائیشیا میں جاری رہے گا جس میں ترک صدر رجب طیب اردگان، قطری امیر شیخ تمیم بن حم آل ثانی اور ایران کے صدر حسن روحانی نے بھی شرکت کی ہے۔پاکستان نے بھی کوالالمپورسمٹ میں شریک ہونا تھا تاہم نامعلوم وجوہات کی بنا کر دورہ منسوخ کردیا گیا۔

اطلاعات ہیں کہ عمران خان نے سوئٹزر لینڈ میں مہاجرین کے لیے ہونے والے سمٹ میں ترک صدر رجب طیب اردوان سے ملاقات کی اور ان کو کولالمپور سمٹ میں شرکت نہ کرنے کے فیصلے پراعتماد میں لیا ہے۔