نوجوان امریکی ریپر پاپ سموک کو گھر میں قتل کر دیا گیا

نوجوان امریکی ریپر پاپ سموک کو گھر میں قتل کر دیا گیا

لاس اینجلس :امریکہ کے مشہور ریپر پوپ سموک کو اپنے ہی گھر میں گولی مار کر قتل کر دیا گیا۔غیر ملکی خبر ایجنسی کے مطابق امریکہ کے مشہور ریپر اور سونگ رائٹر کو صبح اپنے ہی گھر میں قتل کر دیا گیا۔ہالی ووڈ رپورٹر کے مطابق ایک آدمی منہ پر ماسک لگا کر ان کے گھر میں داخل ہوا اور ان کو گولی مار دی۔


ریپر پاپ سموک کا اصل نام بشر باراک جیکسن تھا اور ان کی عمر 20 سال تھی۔ڈاکٹر نے امریکی گلوکار کی موت کی تصدیق کرتے ہوئے بتایا کہ گولی کے علاوہ پوپ اسموک کے جسم پر کسی بھی قسم کا زخم کا نشان موجود نہیں تھا۔

لاس اینجلس پولیس کا اس بارے میں کہنا تھا کہ پاپ اسموک کو علی الصبح ساڑھے چار بجے گولی ماری گئی جس کے بعد ان کے دوست نے ایمرجنسی نمبر پر کال کر کے واقعہ کی اطلاع دی۔پولیس کا مزید کہنا تھا کہ اس حادثے کے وقت پاپ سموک کے گھر میں مزید لوگ بھی موجود تھے۔

پولیس حکام کا کہنا ہے کہ ملزم کا پتا لگانے کے لیے وقوعہ کے وقت موجود تمام تر گواہان سے معلومات اکھٹی کی جا رہی ہیں۔اس واقعے سے چند روز قبل یعنی 12 فروری کو پاپ اسموک نے اپنا نیا البم ’میٹ دا وو 2‘ کی ریلیز چھوڑ دی تھی۔