کراچی : انٹر بورڈ چئیر میننز کمیٹی کے اجلاس میں سندھ بھر کے تعلیمی بورڈز نے امتحانات سے متعلق تجاویز تیار کرلیں ہیں ۔
محکمہ تعلیم سندھ کے مطابق میٹرک کے امتحانات بیس مئی ، انٹر کے امتحانات دس جون سے ہوں گے ۔ ذرائع کے مطابق 23 جنوری کو محکمہ تعلیم سندھ کی اسٹیرنگ کمیٹی کے اجلاس میں اس فیصلے کی توثیق کی جائیگی ۔
ذرائع کے مطابق ملٹی پل چوائس سوالات یعنی ایم سی کیوز کے بجائے پرانے فارمیٹ پر ہی امتحانات لیے جائیں گے ۔
اجلاس میں فیصلہ کیا گیا ہے کہ امتحانات کے نتائج نوے دن میں تیار کیے جائیں گے ۔ امتحانات کے دوران ایس او پیز پر عمل در آمد کے لیے ضلعی انتظامیہ کی مدد حاصل کی جائیگی ۔