آج ملک کے مختلف علاقوں میں بارش کا امکان ہے ، محکمہ موسمیات

اسلام آباد: محکمہ موسمیات کا کہنا ہے کہ آج خیبرپختونخو، فاٹا، اسلام آباد، راولپنڈی، گوجرانوالہ، سرگودھا، لاہور، فیصل آباد، بہاولپور ڈویژن اور کشمیر میں کہیں کہیں تیز ہواﺅں/آندھی اور گرج چمک کیساتھ بارش جبکہ چند مقامات پر موسلادھار بارش کا امکان ہے۔ 

ترجمان محمد ایاز کے مطاق آئندہ 24گھنٹوں کے دوران ساہیوال، ملتان، ڈی جی خان، ژوب ڈویژن اور گلگت بلتستان میں چند مقامات پر تیز ہواﺅں/آندھی اور گرج چمک کیساتھ بارش کا امکان ہے۔سندھ کے ساحلی علاقوں میں بعض مقامات پر ہلکی بارش اوربوندا باندی کا امکان ہے اس کے علاوہ ملک کے دیگر علاقوں میں موسم گرم اور مرطوب رہے گا ۔
گزشتہ 24گھنٹوں کے دوران سب سے زیادہ بارش بہاولپور(سٹی17، ائیرپورٹ06)، لاہور(سٹی14، پنجاب یونیورسٹی11، ائیرپورٹ06)، کوٹ ادو 11، ڈی جی خان، جوہرآباد 09، قصور 07، میانوالی، اوکاڑہ03، ملتان، لیہ بہاولنگر02، بھکر، گوجرانولہ01، مالم جبہ 07، کاکول03، سیدو شریف، دیر 02، لوئیر دیر 01،راولاکوٹ 19، گڑھی ڈوپٹہ 09 ، استور 02 ملی میٹر ریکارڈ کی گئی۔
انہوں نے مزبد بتایا کہ گزشتہ روز ریکارڈ کیے گئے گرم ترین مقامات کے درجہ حرارت کے مطابق سبی میں 46، دالبندین،شہید بینظیر آباد45 ، دادو 44 ڈگری سینٹی گریڈ ریکارڈ کیا گیا.

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں.