صنعا ، باغیوں کے ٹھکانوں پر اتحادی طیاروں کی شدید بمباری،49ہلاک،26گرفتار 

صنعا ، باغیوں کے ٹھکانوں پر اتحادی طیاروں کی شدید بمباری،49ہلاک،26گرفتار 
بمباری سے قبل شہری آبادی پر پمفلٹ گرائے گئے   کہ  لڑائی کے علاقوں سے دور رہنے کی ہدایت کی گئی ،فوٹو بشکریہ عرب نیوز

ریاض:عرب اتحادی فوج نے یمن کے دارالحکومت صنعا میں کئی مقامات پر حوثی باغیوں کے اسلحہ کے مراکز اور ان کے عسکری کیمپوں پر شدید بمباری کی  جس کے نتیجے میں 49باغی ہلاک ہوگئے ۔


غیرملکی خبررساں ادارے کے مطابق یمن میں آئینی حکومت کی معاون عرب فوج کے جنگی طیاروں نے جنوبی صنعا میں الحفا کیمپ، جبل نقم اور جنوب میں جبل النقم میں باغیوں کے ٹھکانوں پر بم باری کی۔ صنعا کے جنوب مغربی ساحلی علاقوں میں طیاروں کی جانب سے بمباری سے قبل شہری آبادی پر پمفلٹ گرائے گئے جن میں شہریوں کو ہدایت کی گئی کہ وہ لڑائی کے علاقوں سے دور رہیں تاکہ انہیں کسی قسم کا جانی نقصان نہ پہنچے ،عرب اتحادی فوج نے یمن کے دارالحکومت صنعا میں کئی مقامات پر حوثی باغیوں کے اسلحہ کے مراکز اور ان کے عسکری کیمپوں پر شدید بمباری کی  جس کے نتیجے میں 49باغی ہلاک ہوگئے ۔

یمن کے عسکری  ذرائع نے کہا کہ ساحلی ڈائریکٹوریٹ التحیتا میں حوثی ملیشیا کے خلاف ایک کارروائی کے دوران 26 جنگجوئوں کو گرفتار کیا گیا ہے۔ ان میں میھار منتظری نام کا ایک ایرانی افسر بھی شامل ہے۔ادھر ملک کے شمالی شہر صعدہ میں عسکری ذرائع کے مطابق فوج کے ساتھ لڑائی میں حوثیوں کے الحسین بریگیڈ کے سربراہ احمد محمد علی العابد اپنے کئی ساتھیوں سمیت مارا گیا۔