ممبئی ، ماٖضی کی دھک دھک گرل " مادھوری ڈکشت " 19 سال بعد پردہ سکرین پر جلوہ افروز ہوں گی ۔
بھارتی میڈیا رپورٹس کے مطابق بالی ووڈ کے نامور ہدایت کار سنجے لیلا بھنسالی نے اپنے نئے پراجیکٹ ہیرا منڈی میں ایک مجرا سونگ کے لئے مادھوری ڈکشت کو سائن کریں گے ۔
سنجے لیلا بھنسالی فلم ہیرا منڈی کے لئے اداکارہ سوناکشی سنہا اور ہما قریشی کو مرکزی کرداروں کے لیے منتخب کرچکے ہیں ۔ تاہم فلم میں ایک ’مجرا‘ بھی شامل کیا جائے گا جس کے لیے سنجے لیلا بھنسالی نے بالی ووڈ کی نامور اداکارہ مادھوری ڈکشٹ کو فلم میں کاسٹ کرنے کا فیصلہ کیا ہے۔
رپورٹس کے مطابق سنجے لیلا بھنسالی نے دپیکا پڈوکون کو بھی فلم ’ہیرا منڈی‘ میں مختصر کردار ادا کرنے کی پیشکش کی تھی تاہم دونوں کے تعلقات زیادہ اچھے نہیں چل رہے جس کے باعث اداکارہ نے ہدایت کار کے ساتھ کام کرنے سے انکار کردیا تھا جس کے بعد اب مادھوری ڈکشٹ فلم میں مختصر کردار میں جلوہ گرہوں گی۔
واضح رہے اداکارہ ماھوری ڈکشٹ نے آخری بار 2002 میں بننے والی سنجے لیلا بھنسالی کی کامیاب ترین فلم ’دیوداس‘ میں کام کیا تھا۔
