اسلام آباد : حج آپریشن کا آغاز ہوگیا۔لاہور سے نجی ایئر لائن کی پہلی پرواز 279 مسافروں کو لے کر مدینہ منورہ روانہ ہوئی ۔کراچی سے بھی قومی ایئرلائن کی پرواز پی کے 773 نے330مسافروں کو لے کر حجاز مقدس کے لیے اڑان بھری۔
اسلام آباد سے بھی پہلی حج پرواز آج روانہ ہوگی ۔سیالکوٹ،فیصل آباد ،پشاور اور کوئٹہ سے بھی حج پروازیں آپریٹ کی جائیں گی۔ حج آپریشن 22 جون تک جاری رہے گا۔
پی آئی اے 315 خصوصی حج پروازوں اور شیڈول پروازوں کے ذریعے65ہزار عازمین حج کو حجاز مقدس پہنچائے گی۔
