ڈیرہ غازی خان: سی ٹی ڈی نے ڈیرہ غازی خان میں کارروائی کر کے 2 مبینہ دہشت گرد گرفتار کر لئے۔ ملزمان سے بارودی مواد اور ہینڈ گرنیڈ برآمد کر لیے گئے۔
ترجمان سی ٹی ڈی کے مطابق دہشت گرد اسماعیل اور ولی محمد کا تعلق ایک کالعدم تنظیم سے ہے۔ ملزمان ڈی جی خان بائی پاس پر ساتھیوں کے انتظار میں کھڑے تھے کہ خفیہ اطلاع پر پکڑے گئے۔
گرفتار دہشت گردوں سے بارودی مواد، ہینڈ گرنیڈ، منافرت انگیز لٹریچر اور فنڈز جمع کرنے کی رسیدیں برآمد ہوئیں اور دہشت گرد حساس تنصیبات کو نشانہ بنانا چاہتے تھے۔
