مصر میں کام اور معاشی دباﺅ میں کمی لانے کیلئے ہنسی کلب قائم

مصر میں کام اور معاشی دباﺅ میں کمی لانے کیلئے ہنسی کلب قائم
تصویر بشکریہ عرب ٹی وی

قاہرہ: مصر میں کام کے بوجھ، تھکاوٹ اور معاشی دباﺅمیں کمی لانے کیلئے تین دوستوں نے مل کرہنسی کلب قائم کیا ہے جس میں لوگوں کو چائے اور کافی کے ساتھ ساتھ ہنسی مذاق کا ماحول بھی فراہم کیا جائے گا۔


یہاں آنے والے افراد کو ہنسانے کی کوشش کی جاتی ہے، اس کے ساتھ ان کیلئے تفریح کا بھی انتظام کیا گیا ہے۔ عرب ٹی وی کے مطابق دارالحکومت قاہرہ کے وسط میں شاہراہ عدلی پر واقع ہنسی کا یہ کلب 3 دوستوں احمد عبدالفتاح، احمد حسام اور محمد الشربینی نے مل کرقائم کیا ہے۔

تینوں کے ذہن میں یہ تخیل ایک کیفے کے قیام کے دوران آیا۔ انہوں نے ایک ایسا کلب بنانے کا فیصلہ کیا جہاں لوگوں کو چائے اور کافی کے ساتھ ساتھ ہنسی مذاق کا بھی ماحول فراہم کیا جائے۔

مصر میں یہ اپنی نوعیت کا منفرد اور پہلا کلب ہے۔ رپورٹ کے مطابق یہاں پر آنے والوں کو ان کی پسند کی موسیقی بھی سنائی جاتی ہے۔