اسلام آباد: تین مختلف ممالک نے نیا پاکستان ہاؤسنگ منصوبے میں سرمایہ کاری کی پیشکش کر دی۔
تفصیلات کے مطابق وزیراعظم عمران خان کی جانب سے50 لاکھ گھروں کی تعمیر کے اعلان کے بعد تین مختلف ممالک نے نیا پاکستان ہاؤسنگ منصوبے میں سرمایہ کاری کی پیشکش کر دی گئی۔
ذرائع کے مطابق منصوبے میں مختلف ممالک کی جانب سے گھروں کی تعمیر کی پیشکش پر غوروفکر جاری ہے۔
وفاقی وزیر ہائوسنگ و تعمیرات طارق بشیر چیمہ کے مطابق اسلام آباد کے پائلٹ پروجیکٹ پر کام شروع کیا جا چکا ہے جبکہ اسلام آباد میں فیڈرل گورنمنٹ ہاؤسنگ فیڈریشن کے پاس ڈیڑھ لاکھ لوگ بھی رجسٹرڈ ہیں۔
