انٹر بینک میں ڈالر کی قدر میں 8 پیسے اضافہ

انٹر بینک میں ڈالر کی قدر میں 8 پیسے اضافہ

کراچی:کاروباری ہفتے کے پہلے روز انٹر بینک میں ڈالر کی قدر میں 8 پیسے کا اضافہ ہو گیا۔فاریکس ڈیلرز کے مطابق انٹر بینک میں ڈالر 155.90 سے بڑھ کر 155.98 روپے پر فروخت ہورہا ہے۔


گذشتہ ہفتے ڈالر کے مقابلے میں روپیہ تگڑا ہوا، انٹربینک میں ڈالر 16 پیسے اور اوپن مارکیٹ میں 20 پیسے سستا ہوا تھا۔جمعہ کے روز انٹر بینک میں ڈالر 13 پیسے کی کمی کے بعد چار ماہ کی کم ترین سطح پر آگیا تھا،2019 میں بھی ڈالر کی قیمت میں روپے کے مقابلے میں پیشرفت جاری رہی۔ جنوری میں ڈالر 138 روپے93 پیسے، فروری میں 138 روپے 90 پیسے اور مارچ میں 139 روپے10 پیسے پر ٹریڈ کررہا تھا۔

اپریل 2019 میں ڈالر چھلانگ لگا کر 141 روپے 50 پیسے پر آگیا، مئی میں 151 روپے اور جون میں تاریخ کی بلند ترین سطح 164روپے پر پہنچ گیا،جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔

اگست 2019 میں روپے نے ڈالر کا جم کر مقابلہ کیا اور ڈالر 157.20 روپے تک پہنچ گیا،ستمبر 2019 کے اختتام پر ڈالر کی قیمت میں مزید کمی واقع ہوئی اور یہ 156.40 روپے پر پہنچ گیا۔