بھارتی رکن پارلیمنٹ اداکارہ نصرت جہاں کی بولڈ تصاویر وائرل ہوگئیں

بھارتی رکن پارلیمنٹ اداکارہ نصرت جہاں کی بولڈ تصاویر وائرل ہوگئیں
تصویر نصرت جہاں انسٹاگرام

ممبئی:بھارتی رکن پارلیمنٹ اور اداکارہ  نصرت جہاں روحی کی نئی بولڈ تصاویر نے سوشل میڈیا پر دھوم مچادی ہے۔

تفصیلات کے مطابق ٹی ایم سی ممبر پارلیمنٹ نصرت جہاں  نے سماجی رابطے کی ویب سائٹ انسٹاگرام پر اپنی بولڈ تصویریں شیئر کی ہیں ۔ 

شیئر کی گئی تصویروں میں دیکھا جاسکتا ہے کہ رکن پارلیمنٹ اور سائوتھ فلموں کی اداکارہ  نےسیاہ رنگ کا لباس زیب تن کیا ہوا ہے جس میں وہ کافی بولڈ لُک دیتی نظر آرہی ہیں۔

اداکارہ کی دوست ممی چکربورتی نے بھی اس فوٹو شوٹ پر کمنٹ کرتے ہوئے پسندیدگی کا اظہار کیا۔خیال رہے کہ نصرت جہاں اپنی آنے والی فلم سواستک سنکیت کی شوٹنگ کیلئے برطانیہ گئی ہوئی ہیں ۔

ان تصاویر کو شیئر کرتے ہوئے نصرت جہاں نے لکھا کہ ’لوگ آپ کو گھوریں گے تو ان کے گھورنے کو بھی بہتر بنائو‘۔

واضح رہے کہ اداکارہ کی جانب سے جاری کی گئی یہ تصاویر ان کی نئی آنے والی فلم کے سیٹ سے لی گئی ہیں جبکہ اداکارہ کے ساتھ نظر آنے والے اداکار یش داس گپتا ہیں  جبکہ دونوں میں کافی اچھی بانڈنگ نظر آرہی ہے۔

یاد رہے کہ نصرت جہاں کو کئی مرتبہ سوشل میڈیا پر تنقید کا سامنا کرنا پڑچکا ہے ۔ حال ہی میں ہندوئوں کی دیوی درگا کے روپ میں نصرت  جہاں نے ایک فوٹو شوٹ کی تصویریں شیئر کی تھیں ۔

 نصرت جہاں کو دیوی درگا کے روپ میں دیکھ کرمسلمان مداحوں کی جانب سے شدید تنقید کا نشانہ بنایا گیا تھا ۔

سوشل میڈیا پر نصرت جہاں کی فین فالوئنگ اچھی ہے ۔ انسٹاگرام پر ان کے دو ملین سے زیادہ فالوورز ہیں  جبکہ سوشل میڈیا پر وہ اپنی تصویر اکثر شیئر کرتی رہتی ہیں ، جس کو کافی پسند کیا جاتا ہے ۔

کچھ ماہ قبل نصرت جہاں اور ان کے شوہر نکھل جین نے شادی کی پہلی سالگرہ کا جشن منایا تھا ۔ نصرت نے نکھل کے ساتھ رومانوی تصویر شیئر کرکے لکھا تھا کہ تم میرے آج ہو اور کل بھی ۔ میں ہمیشہ تمہیں تہہ دل سے پیار کرتی رہوں گی ، کیونکہ حقیقی کہانیوں کا کبھی اینڈ نہیں ہوتا ۔

واضح رہے کہ نصرت جہاں روحی بھارت میں کم عمر نومنتخب اراکینِ پارلیمنٹ میں شامل ہیں۔ سیاست میں آنے سے پہلے وہ بنگالی فلموں کی ایک مقبول اداکارہ رہیں۔انڈیا میں انتخابات کے دوران وہ بنگال کی حکمراں جماعت ترنمول کانگریس کے ٹکٹ پر منتخب ہوئیں۔