سعودی سکیورٹی فورسز نے شاہی محل کے قریب کھلونا ڈرون مارگرایا

سعودی سکیورٹی فورسز نے شاہی محل کے قریب کھلونا ڈرون مارگرایا
فوٹو:البوابا

ریاض: سعودی عرب سکیورٹی فورسز نے دارالحکومت ریاض شاہی محل کے قریب بلا اجازت پرواز کرنے والے کھلونا ڈروان کو مار گرایا۔


یہ بھی پڑھیں:باکسر عامر خان کی 2 سال بعد دھواں دار واپسی،کینیڈین حریف کو صرف39 سکینڈ میں ناک آﺅٹ کردیا

عرب میڈیا رپورٹس کے مطابق اعلیٰ سعودی حکام نے بتایا کہ سوشل میڈیا پر گردش کرنیوالی ایک ویڈیو میں شاہی محل کے قریب گارڈز کی جانب سے فائرنگ کا منظر دیکھا جا سکتا ہے جبکہ اس فائرنگ کے بعد سعودی عرب میں بغاوت کی افواہیں بھی گردش کرنے لگیں تھی ،تاہم اعلیٰ حکام نے بغاوت کی افواہوں کو یکسر مسترد کرتے ہوئے فائرنگ کی حقیقت کے بارے بتایا ہے کہ واقعے کے وقت سعودی فرما نروا سلمان بن عبدالعزیز شاہی محل میں موجود نہیں تھے۔

یہ بھی پڑھیں:فردوس عاشق اعوا ن نے ن لیگ میں شمولیت کا فیصلہ کر لیا

ریاض پولیس کے ترجمان نے بتایا کہ ضلع خزامہ میں قائم چیک پوسٹ پر فورسز نے ڈرون کو دیکھا او رپہلے سے موصول شدہ احکامات کے مطابق اپنا فرض ادا کیا۔ پولیس حکام کی جانب سے یہ بھی بتایا گیا کہ واقعے کے دوران کسی کے زخمی ہونے کی کوئی اطلاعات سامنے نہیں آئی۔دوسری جانب سعودی پریس ایجنسی نے ٹوئٹ کیا کہ واقعے کے فوراً تحقیقات کا عمل شروع ہو چکا ہے۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں