کراچی : سندھ گیمز میں تمغوں کی دوڑ کراچی نے جیت لی ، حیدرآباد کی دوسری پوزیشن رہی، کھلاڑیوں کے بعد وزیراعلیٰ اور وزیر کھیل میں رسہ کشی ہوئی ۔
تفصیلات کے مطابق تمغوں کی دوڑ میں ٹوٹتے بنتے ریکارڈز ، کراچی ایک بار پھر بازی لے گیا۔کراچی نے 126 طلائی ،36 چاندی اور 16 کانسی کے میڈل جیتے ، حیدرآباد نے 15 گولڈ میڈل سمیت 122 تمغے جیتے۔
سکھر کی تیسری پوزیشن رہی ، ارباب تنولی بہترین مرد ایتھلیٹ ، عشا خان بہترین خاتون ایتھلیٹ قرار پائیں۔
وزیراعلیٰ سندھ نے کہا گیمز بھرپور محنت کا نتیجہ ہیں ، غلطیوں پر ایکشن لیا گیا ، آخر میں وزیراعلی اور صوبائی وزیر کھیل میں رسہ کشی ہوئی ، وزیر کھیل کی ٹیم بازی لے گئی۔