لندن: مسلم لیگ ن کی نائب صدر مریم نواز کے بیٹے جنید صفدر کا نکاح سیف الرحمن کی صاحبزادی سے ہوگیا ۔تقریب میں سابق وزیر اعظم نواز شریف سمیت دیگر عزیزو اقارب نے شرکت کی۔ مریم نواز جاتی امرا سے ویڈیو لنک پر شریک ہوئیں۔
نیو نیوز کے مطابق ہائیڈ پارک کارنر پر واقع لینز برو ہوٹل میں مریم نواز کے بیٹے جنید صفدر کے نکاح کی تقریب ہوگئی ۔ اس دوران چند افراد نے ہوٹل کے باہر مظاہرہ کیا تاہم لیگی کارکنوں کی آمد پر وہ ہوٹل کے باہر سے چلے گئے ۔
تقریب سے قبل ہوٹل کے باہر شادی کی تقریب کو پنجابی ٹچ دیا گیا اور ڈھول کی تھاپ پر بھنگڑے ڈالے گئے ۔
مریم نواز کے بیٹے جنید صفدر کا نکاح pic.twitter.com/T8MJeYls9l
— Neo News Urdu (@NeoNewsUR) August 22, 2021
مریم نواز نے بیٹے جنید صفدرکےنکاح میں آن لائن شرکت کی۔ اس سلسلے میں مریم نواز نے جاتی امرامیں تقریب کا انعقاد کیا ۔ تقریب میں شہبازشریف کوبھی مدعوکیا گیا ہے۔
