بینونی:پاکستان نے دورہ جنوبی افریقہ کا فاتحانہ آغاز کرتے ہوئے میزبان ٹیم کے لئے خطرے کی گھنٹی بجادی ہے۔
تفصیلات کے مطابق پاکستان نے سہ روز ہ ٹور میچ میں جنوبی افریقہ انوی ٹیشن الیون کو 6 وکٹ سے شکست دیدی۔بینونی میں کھیلے گئے پریکٹس میچ میں جنوبی افریقہ انوی ٹیشن الیون نے .
c547a1afd8c3ac15d979828421fcad85
318 رنز 7 کھلاڑی آﺅٹ پر اپنی اننگز ڈیکلیئر کردی جس کے جواب میں پاکستان نے بھی 306 رنز بناکر 7 کھلاڑیوں کے نقصان پر اپنی اننگز ڈیکلیئر کردی تھی۔اظہر علی اور بابراعظم نے سنچریاں سکور کی تھی۔
163d934ed03edc624a6ff3f502970468
جواب میں جنوبی افریقہ انوی ٹیشن الیون نے دوسری اننگز 182 رنز پر ڈیکلیئرکردی اور پاکستان کو جیت کے لئے 195 رنز کا ہدف دیا ۔ہدف کے تعاقب میں حارث سہیل اور امام الحق نے شاندار بلے بازی کا مظاہر کرتے ہوئے پاکستان کو فتح سے ہمکنار کرایا۔
d67d3e4c8ebbe8ccd9dc2d924d0ad602
195 رنز کا ہدف پاکستان نے 41 ویں اوور میں چار وکٹوں کے نقصان پر حاصل کرلیا،حارث سہیل نے 73 اور امام الحق نے 66 رنز بناکر پاکستان کی جیت میں کلیدی کردار ادا کیا۔خیال رہے کہ پاکستان اور جنوبی افریقہ کے مابین تین ٹیسٹ میچوں کی سیریز کا پہلا میچ 26 دسمبر سے سنچوریں میں شروع ہوگا۔
