مقبوضہ کشمیر میں بھارتی فوج کے ہاتھوں ایک اور نوجوان شہید

مقبوضہ کشمیر میں بھارتی فوج کے ہاتھوں ایک اور نوجوان شہید
کٹھ پتلی انتظامیہ نے علاقے میں انٹرنیٹ سروس معطل کر دی ہے۔۔۔۔۔فائل فوٹو

سری نگر: مقبوضہ کشمیر میں قابض بھارتی فوج نے فائرنگ کر کے مزید ایک نوجوان کو شہید کر دیا جب کہ بھارتی مظالم کے خلاف تاجر سراپا احتجاج ہیں۔


کشمیر میڈیا سروس کے مطابق قابض بھارتی فوج نے مقبوضہ کشمیر کے علاقے سوپور کا محاصرہ کیا اور نام نہاد سرچ آپریشن کے نام پر فائرنگ کر کے ایک نوجوان کو شہید کر دیا۔

کٹھ پتلی انتظامیہ نے علاقے میں انٹرنیٹ سروس معطل کر دی ہے جب کہ علاقے میں دفعہ 144 بھی نافذ کر دی گئی ہے۔

سوپور کے عوام قابض بھارتی فوج کے مظالم کے خلاف سراپا احتجاج ہیں جب کہ کشمیری تاجروں کی جانب سے بھی مکمل ہڑتال کی جا رہی ہے۔

انتہا پسندوں کے مسلمان کشمیریوں پر حملے، ان کی املاک کو جلانے کے خلاف لال چوک سمیت سری نگر کے مختلف علاقوں میں کاروباری سرگرمیاں معطل ہیں اور تعلیمی مراکز بھی بند ہیں۔