برطانوی خاتون نے نقاب سے منع کرنے پر سکول انتظامیہ پر مقدمہ کردیا

برطانوی خاتون نے نقاب سے منع کرنے پر سکول انتظامیہ پر مقدمہ کردیا

لندن: برطانوی دارالحکومت لندن میں مسلمان خاتون نے نقاب پہننے سے منع کرنے پر بیٹی کے سکول کی انتظامیہ پر مقدمہ کردیا۔


غیرملکی میڈیا کے مطابق راشدہ سروغ نے اپنی بیٹی کے ہولینڈ پارک سکول لندن کی انتظامیہ کے خلاف امتیازی سلوک کا کیس دائر کردیا ہے۔سکول میں نئے طلبہ کے والدین کے اعزاز میں تقریب ہوئی جس میں باحجاب خاتون راشدہ نے بھی شرکت کی لیکن اسکول انتظامیہ نے انہیں نقاب اتارنے کا حکم دیا۔ انتظامیہ کے لوگ انہیں ایک کمرے میں لے گئے اور کہا کہ سکول میں نقاب پہننے کی اجازت نہیں بصورت دیگر وہ واپس چلی جائیں۔

راشدہ نے کہا کہ انہیں اس حکم سے شدید صدمہ پہنچا۔ انہوں نے بتایا کہ نقاب پہننے پر لندن کی گلیوں میں لوگوں نے انہیں برا بھلا بھی کہا ہے اور گالیاں بھی دی ہیں لیکن اسکول میں پڑھے لکھے اور خود کو مہذب کہنے والے افراد کے رویے پر انہیں زیادہ افسوس ہوا جس کی وجہ سے انہوں نے قانونی چارہ جوئی کا فیصلہ کیا۔

نیوویب ڈیسک< News Source