پاکستانی اداکارہ ثانیہ شمشاد کے گھرعید کے پہلے روز بیٹے کی پیدائش ہوئی۔
اداکارہ ثانیہ نے بیٹے کی پیدائش کی خوش خبر ی اپنے انسٹاگرام پر ایک پوسٹ کے ذریعے دی۔اداکارہ کی جانب سے شیئر کی جانے والی پوسٹ میں دیکھا جاسکتا ہے کہ اداکارہ نے ننھے مہمان کا ہاتھ تھام رکھا ہے۔
28a60176075062880028bf87a77e427b
انہوں نے کیپشن میں عید کی مبارکباد پیش کرتے ہوئے لکھا کہ عید کے اِس مبارک دن پر اللہ پاک نے ہمیں زندگی کا خوبصورت ترین تحفہ عطا کیا ہے۔
اداکارہ نے یہ بھی بتایا کہ دنیا میں آنے والا مہمان لڑکا ہے جب کہ انہوں نے مداحوں سے دعاؤں کی اپیل بھی کی۔
یاد رہے کہ اداکارہ ثانیہ شمشاد کی شادی دو برس پہلے جولائی 2019 میں ہوئی تھی جب کہ رواں برس مئی میں انہوں نے اپنے گھر ننھے مہمان کی جلد آمد کا اعلان کیا تھا۔
