مہوش حیات نے بینظیر بھٹو کا کردار نبھانے کیلئے تیاریاں شروع کر دیں

مہوش حیات نے بینظیر بھٹو کا کردار نبھانے کیلئے تیاریاں شروع کر دیں
فوٹو: فائل

لاہور : پاکستانی ڈراموں اور فلموں سے شہرت حاصل کرنے والی خوبرو اداکارہ مہوش حیات سابق وزیراعظم بینظیر بھٹو کی زندگی پر بننے والی فلم میں مرکزی کردار نبھائیں گی۔


اداکارہ نے بینظیر بھٹو کی سالگرہ کے موقع پر انسٹاگرام پر ایک تصویر شیئر کرتے ہوئے تصدیق کی کہ وہ جلد ہی بینظیر بھٹو کے کردار میں جلوہ گر ہوں گی۔تصویر میں دیکھا جا سکتا ہے کہ مہوش حیات، بینظیر بھٹو کی سوانح حیات پڑھ رہی ہیں۔

اداکارہ نے تصویر کے ساتھ لکھا کہ محترمہ بینظیر بھٹو وہ خاتون ہیں جنہوں نے پاکستان کی خواتین کو بااختیار بنایا، انہیں ان کے حقوق دلوائے اور معاشرے میں مساوات کو فروغ دیا۔مہوش نے مزید لکھا کہ ایک وقت تھا جب بینظیر بھٹو نے خواتین کے اندر یہ احساس جگایا کہ وہ کچھ بھی کرسکتی ہیں، انہوں نے امید دلائی کہ خواتین بھی ستاروں تک پہنچ سکتی ہیں۔

"We have broken glass ceilings, we have broken the stereotypes, and we have been and continue to be prepared to go the extra mile, to be judged by unrealistic standards, to be held more accountable." Today would have been Mohtarma Benazir Bhutto's 65th birthday. It is an ideal time to reflect on her undoubted achievements. I have never really been a political person but leaving that aside there is no denying the great strides she made for women's empowerment and equality in our country - everything we are still fighting for even today. There was a time when she made women believe that almost anything was possible - she gave us hope and inspired us to reach for the stars. I am privileged to have been given the opportunity to research and learn more about her life and sitting here I can only reflect on so much more that could have been had she not lost her life so tragically. The sign of a true leader is the legacy they leave behind and the reverence with which the people remember her irrespective of party allegiances. She was a truly remarkable woman and I look forward to giving life to her story soon. ☑️ #MH #MehwishHayat #lostinreality

A post shared by Mehwish Hayat (@mehwishhayatofficial) on

مہوش حیات نے لکھا کہ وہ بہت شکرگزار ہیں کہ انہیں یہ موقع ملا کہ وہ بینظیر بھٹو کی زندگی کے ہر پہلو سے واقف ہوسکیں اور تصور کرسکیں کہ ان کی زندگی میں کس طرح کے اتار چڑھا آئے۔اداکارہ نے مزید لکھا کہ وہ ایک بہترین رہنما اور ایک مضبوط اور نفیس خاتون تھیں، جنہوں نے ایک مثال قائم کی اور وہ ان کی کہانی میں جلد جان ڈالیں گی۔

واضح رہے کہ رواں برس کے آغاز میں اداکارہ نے فلموں اور فیشن کے حوالے سے مشہور ایک ویب سائٹ کے انسٹاگرام پیج پر پوسٹ کی گئی تصویر اپنے انسٹاگرام اکانٹ پر شیئر کی تھی، جس میں انہیں اور سابق وزیراعظم کو ایک ساتھ دکھاتے ہوئے اس خواہش کا اظہار کیا گیا تھا کہ مہوش حیات، بینظیر بھٹو کی سوانح حیات پر بننے والی فلم میں مرکزی کردار ادا کریں۔