لاہور : پاکستان کرکٹ بورڈ کی سلیکشن کمیٹی نے دورہ زمبابوے کے لیے پاکستان کرکٹ ٹیم کا اعلان کر دیا ہے۔
تفصیلات کے مطابق قومی ٹیم کا اعلان چئیرمین سلیکشن کمیٹی انضمام الحق نے کیا ہے۔ دورہ زمبابوے کے لیے پاکستان کرکٹ ٹیم محمد حفیظ کی واپسی ہوئی ہے۔ جبکہ صاحبزادہ فرحان کو پہلی مرتبہ ٹیم میں شامل کر لیا گیا ہے۔
دوسری جانب محمد عامر کو بھی دورہ زمبابوے کیلئے آرام نہ دینے کا فیصلہ کیا گیا ہے۔ ٹیم میں شامل دیگر کھلاڑیوں میں حسین طلعت، سرفراز احمد، حارث سہیل، شاداب خان، فخر زمان، محمد حفیظ، شعیب ملک، آصف علی، محمد نواز، فہیم اشرف، محمد عامر، حسن علی اور عثمان شنواری شامل ہیں۔ پاکستان زمبابوے میں تین ملکی ٹورنامنٹ میں حصہ لے گا۔ جبکہ سرفراز احمد قومی ٹیم کی کپتانی کے فراض انجام دیں گے۔
