اسلام آباد: وفاقی حکومت نے 25 مارچ کو یوم پاکستان کی پریڈ کے موقع پر اسلام آباد اور راولپنڈی کے شہریوں کیلئے عام تعطیل کا اعلان کر دیا ہے۔
تفصیلات کے مطابق ڈپٹی کمشنر اسلام آباد محمد حمزہ شفقات نے 25 مارچ کے موقع پر عام تعطیل کا اعلان سماجی رابطوں کی ویب سائٹ ٹوئٹر پر کیا اور لکھا کہ 23 مارچ کو یوم پاکستان کے سلسلے میں ہونے والی پریڈ کو معطل کر دیا گیا ہے، اس لئے 25 مارچ کو راولپنڈی اور اسلام آباد، دونوں شہروں میں چھٹی ہوگی۔
واضح ہے کہ یوم پاکستان پریڈ کی تاریخ میں تبدیلی موسم کی خرابی کی وجہ سے کی گئی ہے جس کے باعث راولپنڈی اور اسلام آباد کی ضلعی انتظامیہ نے 25 مارچ کو مقامی تعطیل کا اعلان کرتے ہوئے چھٹی کا نوٹیفکیشن جاری کردیا ہے۔