لاہور: مریم نواز نے اپنی دادی شمیم اختر کے انتقال پر والد نواز شریف کو پاکستان واپس نہ آنے کا مشورہ دے دیا۔ سماجی رابطے کی ویب سائٹ ٹوئٹر پر اپنے پیغام میں ان کا کہنا تھا کہ آج نواز شریف کے سر سے ماں کی دعاوں بھرا سایہ اٹھ گیا ہے۔
مسلم لیگ ن کی نائب صدر مریم نواز نے کہا کہ ان کی دادی کے انتقال کی خبر فون سروس معطل ہونے کی وجہ سے دو گھٹنے تاخیر سے ان کو ملی جس کے فورا بعد وہ لاہور کے لئے روانہ ہو گئی ہیں۔
979cc1c0316a5b1569ac3ca5625f1356
مریم نواز نے کہا کہ میرے والد اور اہل خانہ مسلسل رابطے کی کوشش کرتے رہے لیکن مجھ سے رابطہ نہیں ہو سکا۔ کسی حکومتی شخصیت میں بھی اتنی انسانیت نہیں تھی کہ مجھ تک دادی کی وفات کی اطلاع پہنچا دیتے۔
979cc1c0316a5b1569ac3ca5625f1356
مسلم لیگ ن کی نائب صدر نے نواز شریف کی وطن واپسی سے متعلق بتایا کہ انہوں نے نواز شریف سے درخواست کی ہے کہ وہ وطن بالکل واپس نہ آئیں کیونکہ یہاں ظالم اور انتقام میں اندھے لوگ ہیں جن سے کسی بھی قسم کی انسانیت کی توقع نہیں ہے۔
