ایشیا کپ: ضابطہ اخلاق کی خلاف ورزی پر پاکستانی اور افغانی کرکٹرز پر جرمانہ عائد

ایشیا کپ: ضابطہ اخلاق کی خلاف ورزی پر پاکستانی اور افغانی کرکٹرز پر جرمانہ عائد
image by facebook

دبئی: آئی سی سی نے ضابطہ اخلاق کی خلاف ورزی پر پاکستان اور افغانستان کے کرکٹرز پر جرمانہ عائد کردیا.


تفصیلات کے مطابق ایشیا کپ کے دوسرے مرحلے میں پاکستان اور افغانستان کے درمیان ہونے والے سنسنی خیز میچ کے بعد تین کھلاڑیوں پر جرمانے عائد کیے گئے ہیں.

پاکستانی فاسٹ بائولر حسن علی، افغانستان کے کپتان اصغر افغان اور راشد خان آئی سی سی کے ایکشن کی زد میں آگئے، تینوں کھلاڑیوں پر پر میچ فیس کا پندرہ فیصد جرمانہ عائد کیا گیا۔

یاد رہے کہ حسن علی نے بولنگ کرتے ہوئے افغانستان کے بلے باز حمشت اللہ کی جانب گیند تھرو کی تھی، جس کی وجہ سے میچ میں‌ بدمزگی پیدا ہوئی.

اسی طرح بلے باز اصغر افغان نے حسن علی کو کندھا مارا تھا، جب کہ افغان لیگ اسپنر راشد خان نے آصف علی کو آؤٹ کرنے کے بعد پویلین جانے کا اشارہ کیا تھا۔