ایسا لگ رہا ہے مانی سے ابھی شادی ہوئی ہے، اداکارہ حرا

ایسا لگ رہا ہے مانی سے ابھی شادی ہوئی ہے، اداکارہ حرا

کراچی: اداکارہ حرا مانی نے کہا ہے کہ لاک ڈاؤن کے دوران پورا وقت شوہر اور بچوں کو دے رہی ہوں ایسا لگ رہا ہے کہ مانی سے ابھی شادی ہوئی ہے اور میں نئی نویلی دلہن ہوں۔


اداکارہ حرا مانی نے بتایا کہ اتنے دنوں سے باقاعدگی کے ساتھ گھر پر رہنے کی وجہ سے میں نے اپنے اندر تبدیلیاں محسوس کی ہیں، مانی سے شادی کے بعد اپنے شوہر کے ذاتی کام کرنے کی خواہش مند تھی، سوچا تھا شوہر کے کپڑے استری کروں گی، جوتے پالش سمیت ہر کام کروں اور یہ سوچ پتا نہیں کس وجہ سے میرے ذہن میں تھی۔

انہوں نے کہا کہ وقت نہ ملنے کے سبب میں شوہر کے لیے شادی کے بعد یہ سب کچھ نہ کرسکی کیوں کہ شادی کے دوسرے روز ہی میں مارننگ شو میں شرکت کرنے لگی، شوٹنگز بھی چلتی رہیں، پھر کچھ عرصے بعد بچوں کی پیدائش ہوئی تو ان کی دیکھ بھال کا کام بھی بڑھ گیا۔