معروف فٹبالر ویان رونی نے انٹرنیشنل فٹ بال سے ریٹائرمنٹ لے لی

معروف فٹبالر ویان رونی نے انٹرنیشنل فٹ بال سے ریٹائرمنٹ لے لی

برمنگھم : معروف انگلش اسٹرائیکر ویان رونی نے انٹرنیشنل فٹ بال سے ریٹائرمنٹ کا اعلان کر دیا۔ رونی کو ملک کی طرف سے سب سے زیادہ انٹرنیشنل گولز کرنے کا اعزاز حاصل ہے۔


ویان رونی نے 119 میچز میں ملک کی نمائندگی کی جس میں انہوں نے 53 گول کئے۔ انگلش ٹیم کےمنیجر گیرتھ نے انہیں آئندہ ماہ مالٹا اور سلواکیہ کے خلاف میچز کیلئے پیشکش کی تھی تاہم انہوں نے ریٹائرمنٹ کا اعلان کر کے ٹیم میں واپسی کے امکانات ختم کر دیئے۔

اپنے بیان میں انہوں نے کہا کہ انٹرنیشنل سطح پر ملک کی نمائندگی پر فخر ہے، مجھے اس بات کی خوشی ہے کہ انگلش منیجر نے مجھے دوبارہ ملک کی نمائندگی کے قابل سمجھا لیکن میں سمجھتا ہوں کہ اب نوجوان کھلاڑیوں کو آگے آنے کا موقع دیناچاہئے۔