اسلام آباد: پاکستان تحریک انصاف کے چیرمین عمران خان کا کہنا ہے کہ شہباز شریف اور احتجاج کرنے والے بیوروکریٹس کے مابین کرپشن کا گٹھ جوڑ عوام کے سامنے لاو ں گا۔
سماجی رابطے کی ویب سائٹ پر اپنے پیغام میں پی ٹی آئی چیرمین عمران خان کا کہنا تھا کہ کل میں پریس کانفرنس کے ذریعے شہباز شریف اور احتجاج کرنے والے بیوروکریٹس کے مابین کرپشن کا گٹھ جوڑ بے نقاب کروں گا اور بتاوں گا کہ شہباز شریف کے فرنٹ مین کی گرفتاری کے بعد کیسے انہیں ڈر ہے کہ احد چیمہ خود کو بچانے کیلئے کہیں کرپشن میں سرکاری افسران کے کردار کا بھانڈا نہ پھوڑڈالے۔
