نئی دہلی : بھارتی ریاست آندھرا پردیش میں ریل حادثہ میں ہلاک ہونے والے افراد کی تعداد36 ہو گئی۔بھارتی ذرائع ابلاغ کے مطابق حکام کا کہنا ہے کہ حادثہ ہفتے کو رات گئے پیش آیا جب ایک ٹرین جگدالپور سے پھونیشور کی جانب جا رہی تھی۔ایسٹ کوسٹ ریلوے کے سربراہ جے پی مشرا کا کہنا ہے کہ یہ حادثہ وزیاناگرم ضلعے میں کونیرو سٹیشن کے قریب اس وقت پیش آیا جب انجن اور سات بوگیاں پٹری سے اتر گئیں۔
حادثہ میں36 افراد ہلاک اور 100 زخمی ہوگئے۔انہوں نے کہا کہ بہت سے افراد تاحال ملبے تلے پھنسے ہوئے ہیں جبکہ امدادی کارکنوں کا کہنا ہے کہ ہلاکتوں میں اضافے کا خدشہ ہے۔ٹرین کے پٹری سے اترنے کی وجہ یاحال واضح نہیں ہو سکی ہے۔بھارت میں ریلوے کا نظام پرانا ہونے کے سبب ٹرین کے حادثے معمول کی بات ہیں۔
بھارت میں ریل حادثہ میں ہلاک ہونے والے افراد کی تعداد36 ہو گئی
