بلاول بھٹو نے وزیراعظم عمران خان کے دورہ امریکہ کی غیر مشروط حمایت کر دی

بلاول بھٹو نے وزیراعظم عمران خان کے دورہ امریکہ کی غیر مشروط حمایت کر دی
image by facebook

کراچی : پیپلزپارٹی کے چیئرمین بلاول بھٹو نے وزیراعظم عمران خان کے دورہ امریکہ کی غیر مشروط حمایت کر دی کہا کہ وہ موجودہ حکومت کی جانب سے عالمی تعلقات استوار کرنے کی کاوش کی حوصلہ افزائی کرتے ہیں ۔


تفصیلات کے مطابق پیپلزپارٹی کے چیئرمین بلاول بھٹو زرداری نے میڈیا سے گفتگو کرتے ہوئے کہا کہ ہم موجودہ حکومت کی جانب سے عالمی طاقتوں سے تعلقات استوار کرنے کی کاوشوں کو قدر کی نگاہ سے دیکھتے ہیں اور اس کی حوصلہ افزائی کرتے ہیں .

انھوں نے کہا کہ ہم حکومت پر مثبت تنقید کرتے رہیں گے تاکہ ان کو درست سمت میں گامزن کرنے میں مدد مل سکے گی .

انھوں نے وزیراعظم کے جلسے کو تنقید کا نشانہ بناتے ہوئے کہا کہ عمران خان وہاں ملک کی نمائندگی کے لیے گئے تھے نہ کہ اپنی سیاسی جماعت اور سیاسی سرگرمیوں کے لیے امریکہ گئے تھے ۔