ترکی کی حکومت نے یوم پاکستان کو جوش وخروش سے منانے کا اعلان کر دیا

ترکی کی حکومت نے یوم پاکستان کو جوش وخروش سے منانے کا اعلان کر دیا

انقرہ: ترکی نے پاکستان کے ساتھ اپنی دوستی کا ثبوت دینے کیلئے یوم پاکستان کے موقع پر یورپ اور ایشیا کو ملانے والے پل کو سبز رنگ سے روشن کرنے کا فیصلہ کیا ہے۔


انقرہ میں پاکستانی سفارتخانے نے بتایا ہے کہ ترکی کی حکومت نے یوم پاکستان کو جوش و خروش سے منانے کا فیصلہ کیا ہے۔ اس سلسلے میں ترکی کے شہر استنبول میں دوبراعظموں کو ملانے والے پلُ کو پاکستانی پرچم کے رنگوں والے برقی قمقموں سے روشن کیا جائے گا۔

پاکستانی سفارتخانے نے ترکی کے اس فیصلے کی تعریف کی ہے اور کہا ہے کہ پاکستانی دارالحکومت اسلام آباد میں 23 مارچ کو ہونے والی مسلح افواج کی پریڈ میں ترُکی کے ہیلی کاپٹرز بھی فلائی پاسٹ میں حصہ لیں گے۔