جواب عرض ہے!

Taufeeq Butt, Pakistan, Lahore, Naibaat Newspaper, e-paper

٭ میڈیا مثبت تنقید کرے (وزیراعظم عمران خان)

o جو صرف ہم سے پوچھ کر ہی کی جا سکتی ہے!

٭ نوجوان ہمت نہ ہاریں (وفاقی وزیر منصوبہ بندی اسد عمر)

0 کیونکہ حکومت بہت جلد نوجوانوں کے لئے تجربہ کار حکیموں کی خدمات حاصل کرنے والی ہے!

٭ سندھ میں ڈکیت مسلط ہیں۔ (ڈاکٹر شہباز گل‘ ترجمان وزیراعظم)

o تو پنجاب میں کیوں نہیں ہو سکتے؟؟؟

٭ احتجاج کرنے والوں کے ہاتھوں میں کچھ نہیں آئے گا (سابق وفاقی وزیر فیصل واوڈا)

o کیونکہ ہم سب کچھ تحریک لبیک کے ہاتھوں میں دے چکے ہیں!

٭ پیپلزپارٹی جمہوریت کے لئے مردانہ وار لڑے گی (بلاول بھٹو زرداری)

o اور اس مقصد کے لئے ہم ”زنانہ وار“ حاضر ہیں!

٭ جنسی جرائم میں اضافہ لمحہ فکریہ ہیں (وزیراعظم عمران خان)

o اس عمر میں لمحہ فکریہ ہی ہونے چاہئیں!

٭ تحریک لبیک نے اپنے اقدامات پر حکومت سے معذرت کر لی (ایک خبر)

o اور حکومت حیران ہے تحریک لبیک نے اپنے کون سے اقدامات پر معذرت کی؟؟

٭ ڈینگی کے مریضوں کا بہترین علاج کیا جا رہا ہے (وزیر صحت پنجاب یاسمین راشد)

o اور یہ بات مجھے ٹی بی کے مریضوں نے بتائی ہے!

٭ پی ٹی آئی ملک کی واحد جماعت ہے جس نے صحت پر توجہ دی (وزیر دفاع پرویز خٹک)

o اس بات کا اندازہ آپ میری صحت سے بھی لگا سکتے ہیں!

٭ عمران خان کی حکومت کو کسی سے کوئی خطرہ نہیں (وفاقی وزیر داخلہ شیخ رشید احمد)

o اس لئے میں نے حریم شاہ کو کھلم کھلا کہہ دیا ہے ”بکواس بند کرو“!

٭ شہباز شریف سے ہاتھ ملانا کرپشن تسلیم کرنا ہوگا (وزیر اعظم عمران خان)

o چلیں آپ ہاتھ نہ ملائیں دل ملا لیں۔

٭کشمیریوں نے آزادی کے لئے لازوال قربانیاں دیں (وفاقی وزیر امور کشمیر گنڈا پور)

o چنانچہ وہ ہماری ”خصوصی شہد“ کے مستحق ہیں!

٭ مفرور (نوازشریف) سے خطاب کروانا ججوں کی توہین ہے (وفاقی وزیر فواد چوہدری)

o جبکہ نااہل سے حکومت کروانا بہترین ہے!

٭ لاہور کو دنیا کا آلودہ ترین شہر قرار دے دیا گیا (ایک خبر)

o خاکروب اعلیٰ کو کیا فرق پڑتا ہے اس سے؟؟؟

٭ پنجاب میں آٹے کی قلت نہیں (محکمہ خوراک پنجاب)

o قلت صرف ایمانداری کی ہے!!

٭ نوازشریف صحت مند ہیں گھوڑوں کو آگے لگایا ہوا ہے (کیپٹن ریٹائرڈ محمد صفدر)

o اور گدھوں کو پیچھے لگایا ہوا ہے!

٭ ملک کو ”کھائی“ سے نکالیں گے (نوازشریف)

o اور اس مقصد کے لئے ”کھائی“ جائیں گے!

٭ ای وی ایم مشینوں سے کچھ نہیں نکلے گا (مولانا فضل الرحمن)

o چیک تو کریں …… شاید ڈیزل نکل آئے……

٭ حکومت حماقتیں کر رہی ہے (شہباز شریف)

o جبکہ ہم چاہتے ہیں ”شفقتیں“ کرے!

٭ معزز ججوں کو سیاست سے دور رہنا چاہیئے (مشیر احتساب شہزاد اکبر)

o اور ا گر نزدیک ہی آنا ہے تو ہمارے ذریعے آئیں!

٭ وزیراعظم کرپشن کے خلاف جہاد کر رہے ہیں (شاہ محمود قریشی وفاقی وزیر خارجہ)

o اگر انہوں نے جہاد ختم کر دیا کرپشن بھی ختم ہو جائے گی!

٭ مر جائیں گے مگر ظالم کی حمایت نہیں کریں گے (مولانا سعد رضوی)

o اپنی حمایت آپ خود نہیں کریں گے تو کون کرے گا؟؟؟

٭ وفاقی کابینہ نے تحریک لبیک بحالی کی منظوری دے دی (ایک خبر)

o ممکن ہے اب وفاقی کابینہ تحریک لبیک کے ہاتھوں شہید ہونے والے پولیس ملازمین کی ”شہادت“ واپس لینے کی منظوری بھی دے دے!

٭ عاصمہ جہانگیر کانفرنس میں نواز شریف کے خطاب کے دوران تاریں کاٹ دی گئیں (ایک خبر)

o شکر ہے زبانیں نہیں کاٹ دی گئیں!

٭ کردار کشی پر مبنی رپورٹنگ قابل افسوس ہے (سابق مشیر فردوس عاشق اعوان)

o حالانکہ مجھے فائدہ ہمیشہ اس قسم کی رپورٹنگ سے ہوا ہے۔

٭ اسلام آباد میں 1122 ریسکیو سروس شروع کرنے کا فیصلہ کیا ہے (وفاقی وزیر شیخ رشید احمد)

o کیونکہ مجھے جلد اس کی ضرورت پڑ سکتی ہے!

٭ ایک ایماندار ایس پی پورا ضلع ٹھیک کر سکتا ہے (وزیراعظم عمران خان)

o جبکہ ایک ایماندار وزیراعظم پورا ضلع بھی ٹھیک نہیں کر سکتا!

٭ مفت تعلیم ریاست کی ذمہ داری ہے (سپریم کورٹ)

o جبکہ انصاف کی مفت فراہمی کسی کی ذمہ داری نہیں ہے!

٭ حکومت اپنی آئینی ذمہ داریاں پوری نہیں کر رہی (مریم نوازشریف)

o اور یہ ہمارے لئے شکر کا مقام ہے!