قراردادوں سے حکومتیں نہیں جاتیں، اس کیلئے ووٹ چاہئیں، فواد چوہدری

قراردادوں سے حکومتیں نہیں جاتیں، اس کیلئے ووٹ چاہئیں، فواد چوہدری
زرداری صاحب کے پاس اب صرف نوٹ رہ گئے ہیں اور وہ نوٹ کمانے کے چکر میں ووٹ کھو چکے ہیں، فواد چوہدری۔۔۔۔۔۔فائل فوٹو

اسلام آباد: وفاقی وزیر اطلاعات فواد چوہدری کا کہنا ہے زرداری صاحب سیاستدانوں کے بجائے وکلا سے ملاقاتوں کو ترجیح دیں اس مفت مشورے کا احساس ان کو ہفتوں نہیں بلکہ دنوں میں ہو گا۔ قراردادوں سے حکومتیں نہیں جاتیں  کیونکہ اس کیلئے ووٹ چاہئیں۔


فواد چوہدری نے مزید کہا کہ زرداری صاحب کے پاس اب صرف نوٹ رہ گئے ہیں اور وہ نوٹ کمانے کے چکر میں ووٹ کھو چکے ہیں ۔ٹوئٹر پر اپنے پیغام میں فواد چوہدری کا کہنا تھا کہ زرداری صاحب سیاستدانوں کی بجائے وکلاء سے ملاقاتوں کو ترجیح دیں۔ وزیراعظم آج مستقبل میں سرمایہ کاری کے مواقع کانفرنس میں شرکت کرینگے اور کانفرنس میں وزیراعظم کا سوال و جواب سیشن ہو گا۔ وزیراعظم کی خادم الحرمین شریفین شاہ سلمان اور ولی عہد سے ملاقات ہو گی۔

فواد چوہدری کا مزید کہنا تھا سعودی وزراء بھی وزیراعظم عمران خان سے ملاقات کریں گے۔ عالمی سرمایہ کاروں سے ملاقاتیں بھی وزیراعظم کی مصروفیات کا حصہ ہیں۔ سعودی عرب میں وزیراعظم عمران خان کو ملنے والا احترام مسلم امہ میں پاکستان کے مقام کو ظاہر کرتا ہے۔