لاہور : پاکستان تحریک انصاف کے عہدیدار کی طرف سے مریم نواز کو قتل کی دھمکی دینے کے بعد اب چیف الیکشن کمشنر سکندر سلطان راجہ کو بھی قتل کی دھمکی دے دی گئی ہے۔
سوشل میڈیا پر وائرل ویڈیو میں پی ٹی آئی مریدکے کے رہنما خرم کہتے ہیں کہ میں عمرے کی سعادت کے لیے سعودی عرب آیا ہے اور ایک دو دن تک واپس پاکستان آ رہا ہوں۔
حکومت کو فوری طور پر چیف الیکشن کمشنر کو قتل کی دھمکی دینے والے اس شخص کو گرفتار کرکے دوسروں کیلئے مثال بنانا چاہئیے، پی ٹی آئی پارٹی ہے یا مافیا؟ pic.twitter.com/kdLXnypFDz
— Umar Cheema (@UmarCheema1) October 23, 2022
پی ٹی آئی رہنما کا کہنا تھا کہ چیف الیکشن کمشنر کیلئے میرا پیغام ہے کہ وہ پاکستان کیا دنیا کے جس مرضی ملک میں چلا جائے میں نہ صرف اسے قتل کروں گا بلکہ اس کی فیملی کو بھی ماردوں گا۔
