لاہور: عاطف اسلم کو نہ صرف پاکستان میں شہرت حاصل ہے بلکہ بیرون ملک بھی اس گلوکار کو سنا اور سراہا جاتا ہے ۔
28 اپریل کو کراچی کے ایدھی اسٹیڈیم میں ایک کنسرٹ کا انعقاد کیا جارہا ہے جس میں پاکستانی گلوکار عاطف اسلم سمیت دیگر غیر ملکی گلوکار بھی اپنے فن کا مظاہرہ کریں گے۔
کانفرنس میں شریک غیر ملکی گلوکاروں کا کہنا تھا کہ انھیں پاکستان آکر عدم تحفظ کا بالکل بھی احسا س نہیں ہوا، یہاں کی عوام زندہ دل اور محبت کر نے والی ہےجس کے باعث وہ خود کو یہاں بہت محفوظ تصور کررہے ہیں۔
ان کا کہنا تھا کہ یہاں آنے سے پہلے ہم نے پاکستانی کھانوں کی بہت تعریف سنی تھی جس کا حقیقی انداز ہ ہمیں یہاں آکر ہوا ہے، ہم یہاں کے روایتی کھانوں سے لطف اٹھا رہے ہیں۔
رومانیہ سے آئی گلوکارہ روزا لینا سے جب صحافی نے پاکستان سے متعلق سوال پوچھا تو ان کا کہنا تھا کہ میں اس سے پہلے بھی یہاں آچکی ہوں مجھے یہاں کی چکن کڑاہی بہت پسند ہے جبکہ ان کی ساتھی گلوکارہ نے بتایا کہ میں یہاں کی چائے کو بہت پسند کرتی ہوں ،کیونکہ یہاں کی چائے میری ساری تھکن اتار دیتی ہے۔
پریس کانفرنس کے اختتام پر غیر ملکی گلوکاروں نے ’’دل دل پاکستان‘‘ کا نغمہ گا کر پاکستان سے اپنی والہانہ محبت کا اظہار بھی کیا۔
