شاہد خاقان عباسی کی طبعیت خراب، ہسپتال منتقل کرنے کا فیصلہ

شاہد خاقان عباسی کی طبعیت خراب، ہسپتال منتقل کرنے کا فیصلہ
سابق وزیراعظم شاہد خاقان عباسی کو آج ہسپتال منتقل کئے جانے کا امکان ہے۔۔۔۔۔۔۔۔۔۔فائل فوٹو

راولپنڈی: ایل این جی کیس میں زیرحراست شاہد خاقان عباسی کی اڈیالہ جیل میں طبعیت خراب ہو گئی۔ ڈاکٹرز کی سفارش پر ن لیگی رہنما کو ہسپتال منتقل کرنے کا فیصلہ کیا گیا ہے جہاں ان کی ہرنیا کی سرجری کی جائے گی۔


سابق وزیراعظم شاہد خاقان عباسی کو آج ہسپتال منتقل کئے جانے کا امکان ہے۔ شاہد خاقان کے ڈاکٹروں نے جیل حکام کو مراسلہ ارسال کر دیا جس کے مطابق شاہد خاقان کا ہرنیا کا آپریشن کیا جانا ہے۔

ڈاکٹرز کی سفارش پر سابق وزیراعظم کو ہسپتال داخل کیا جائیگا اور انہیں آج کسی بھی وقت ہسپتال منتقل کیا جا سکتا ہے۔