واشنگٹن: وزیراعظم کے ہمراہ امریکہ کے دورے پر موجود پاکستان کے آرمی چیف جنرل قمر جاوید باجوہ نے پینٹا گون کا دورہ کیا جہاں پر ان کا تاریخی استقبال بھی کیا گیا۔
35ce13f452d56ed2008a05151cc1a26e
پاک فوج کے شعبہ تعلقات عامہ (آئی ایس پی آر) کے مطابق امریکی چیئرمین جوائنٹ چیف آف سٹاف جنرل جوزف ڈنفورڈ نے آرمی چیف کا استقبال کیا جبکہ ان کو گارڈ آف آنر پیش کیا گیا اور 21 توپوں کی سلامی بھی دی گئی۔
bede7ebe4d73a9fa9cc5785556bf79ba
آرمی چیف کی قائم مقام امریکی وزیر دفاع اور چیئرمین جوائنٹ چیف آف سٹاف جنرل جوزف ڈنفورڈ کے ساتھ ملاقات ہوئی جس میں علاقائی سکیورٹی کی صورتحال اور افغان امن عمل پر گفتگو ہوئی۔امریکی عسکری حکام نے افغان امن عمل اور دہشت گردی کے خلاف جنگ میں پاکستانی فوج کے کردار کو سراہا۔آرمی چیف نے امریکی وزیر خارجہ مائیک پومپیو سے بھی ملاقات کی۔
c8fdb80f5676ffc12af70e3f680ab9a9
آئی ایس پی آر کے مطابق جنرل قمر جاوید باجوہ نے امریکی چیف آف سٹاف جنرل مارک اے ملی سے بھی ملاقات کی۔ سکیورٹی اور دو طرفہ تعاون کے معاملات پر گفتگو کی گئی۔آرمی چیف نے ارلنگٹن نیشنل قبرستان کا دورہ بھی کیا اور امریکی ہیروز کو خراج عقیدت پیش کیا۔