نیویارک: امریکہ جاپان اور شمالی کوریا میں کل بروز 25 جون کو عید الفطر منانے کا اعلان کر دیا گیا۔جاپان اور شمالی کوریا میں چاند نظر آ گیاہے ، جبکہ دوسری فقہ کونسل آف نارتھ امریکہ نے اعلان کیاہے کہ عید الفطر 25جون کو منائی جائے گی ،تاہم فقہ کونسل کی جانب سے یہ اعلان جدید ٹیکنالوجی آسٹرنومیکل کیلکولیشن کااستعمال کرتے ہوئے کی گیاہے۔
تفصیلات کے مطابق جاپان اور شمالی کوریا میں شوال کا چاند نظر آنے کی تصدیق کر دی گئی ہے جبکہ نارتھ امریکہ کی فقہ کونسل کا کہناہے کہ آسٹرنومیکل کیلکولیشن قابل قبول ہیں اور اس کا استعمال قمری مہینوں کے آغاز کا تعین کرنے کیلئے کیا جاتاہے ،جس میں رمضان اور شوال کے مہینے بھی شامل ہیں۔ جبکہ افریقہ اور مشرق وسطیٰ میں سورج غروب ہونے کے بعد ہی عید الفطر کا چاند دیکھا جا سکے گا۔نارتھ امریکہ فقہ کونسل کا کہناتھا کہ نیا چاند آسٹرنومیکل ٹیکنالوجی کے مطابق 24جون 2017کو غروب آفتاب کے بعد دیکھا جا سکے گا۔