راولپنڈی: آرمی چیف جنرل قمر جاوید باجوہ نے نیوی وار کالج کا دورہ کیا۔سٹاف کورس کے شرکا سے خطاب میں قومی سلامتی کے چیلنجوں سے مہارت سے نمٹنے میں مسلح افواج کے کردار کو سراہا۔ پاک بحریہ ملک کی بحری سرحدوں کا دفاع کرنے والی ایک مضبوط فورس ہے اور ہمیشہ قوم کی توقعات پر پورا اتری ہے ۔
آئی ایس پی آر کے مطابق آرمی چیف جنرل قمر جاوید باجوہ نے پاکستان نیوی وار کالج لاہور میں 51ویں پی این سٹاف کورس کے شرکاء سے خطاب کیا۔ پاکستان نیوی وار کالج پہنچنے پر کمانڈنٹ پاکستان نیوی وار کالج ریئر ایڈمرل شفاعت علی خان نے آرمی چیف کا استقبال کیا۔آرمی چیف نے شہداء پاکستان کو خراج عقیدت پیش کرنے کے لیے یادگار شہدا پر پھولوں کی چادر چڑھائی۔
آرمی چیف نے جیو سٹریٹجک صورتحال ، قومی سلامتی کو درپیش چیلنجز اور ان سے نمٹنےکےلیےاقدامات پر تفصیلی اظہار خیال کیا ۔ انہوں نے پاکستان نیوی وار کالج میں معیاری تربیت کے عمل کو سراہا ۔ نیول وار کالج کے دورے کے موقع پر آرمی چیف نے یادگار شہداء پر حاضری دی اور پھولوں چڑھائے ۔
— PTV News (@PTVNewsOfficial) June 24, 2022
2/2 pic.twitter.com/dkoSVM8AUQ
شرکاء سے خطاب کرتے ہوئے جنرل قمر جاوید باجوہ نے جیوسٹریٹیجک ماحول، قومی سلامتی کے چیلنجز اور جوابی اقدامات پر تفصیلی گفتگو کی اور قومی سلامتی کے چیلنجوں سے مہارت سے نمٹنے میں مسلح افواج کے کردار کو سراہا۔ انکا کہنا تھا کہ پاک بحریہ کی تاریخ بہادری اور قربانیوں کی شاندار روایات سے بھری ہوئی ہے۔
انہوں نے کہا کہ پاک بحریہ ملک کی بحری سرحدوں کا دفاع کرنے والی ایک مضبوط فورس ہے اور ہمیشہ قوم کی توقعات پر پورا اتری ہے ۔آرمی چیف نے وار کالج کی جانب سے پاکستان کی مسلح افواج اور دوست ممالک کے افسران کو جنگ کے حوالے سے دی جانے والی معیاری تربیت کو سراہا۔