اسلام آباد:سندھ سے 2 نوعمر ہندو لڑکیو ں کے اغوا کا وزیراعظم عمران خان نے نوٹس لیتے ہوئے سندھ اور پنجاب حکومت کو مشترکہ حکمت عملی بنانے کی ہدایت کی ہے۔
تفصیلات کے مطابق وزیر اطلاعات و نشریات فواد چودھری نے ٹوئٹ میں کہا ہے کہ وزیر اعظم عمران خان نے وزیراعلیٰ کو یہ ہدایت جاری کی ہے کہ سندھ سے اغوا ہونے والی 2 نو عمر ہندو لڑکیوں کے بارے میں ایسی اطلاعات ہیں کہ انہیں رحیم یار خان منتقل کیا گیا ہے، اس معاملے کی فوری تحقیقات کی جائیں اور اگر ایسا ہے تو بچیوں کو بازیاب کرایا جائے۔
bfd63e9edff487f183a671970b6f0f9b
وزیرطلاعات نے مزید کہا ہے کہ وزیر اعظم عمران خان نے سندھ اور پنجاب حکومت کو یہ بھی ہدایت کی ہے کہ اس معاملے پر مشترکہ حکمت عملی اختیار کریں اور سندھ حکومت ایسے واقعات کے تدارک کے لئے ٹھوس اقدامات اٹھائے، پاکستان میں اقلیتیں ہمارے قومی پرچم کا سفید رنگ ہیں اور ہمیں اپنے تمام رنگ عزیز ہیں، اپنے پرچم کی حفاظت ہمارا فرض ہے۔
