انسٹاگرام نے خودکار طور پر ڈیلیٹ ہونے والی تصاویر اور ویڈیوز بھیجنے کا آپشن دوبارہ بحال کر دیا

انسٹاگرام نے خودکار طور پر ڈیلیٹ ہونے والی تصاویر اور ویڈیوز بھیجنے کا آپشن دوبارہ بحال کر دیا
سورس: فوٹو: بشکریہ ٹوئٹر

 لاہور: فوٹو اینڈ ویڈیو شیئرنگ ایپلی کیشن انسٹاگرام نے خوکار طریقے سے ڈیلیٹ ہونے والی تصاویر اور ویڈیوز بھیجنے کی آپشن کو دوبارہ بحال کر دیا ہے جس پر صارفین بے حد خوش نظر آ رہے ہیں۔ 

تفصیلات کے مطابق فیس بک کی ملکیت ایپلی کیشن نے یورپ میں یہ فیچر متعارف کرانے کے بعد منسوخ کر دیا تھا تاہم اسے ایک مرتبہ پھر بحال کر دیا گیا ہے۔ یہاں یہ امر قابل ذکر ہے کہ فیس بک کی ہی ملکیت واٹس ایپ ایپلی کیشن میں بھی ایسے ہی فیچر کا تجربہ کیا جا رہا ہے تاہم ابھی تک یہ واضح نہیں کہ اس فیچر کو صرف یورپ میں ہی متعارف کرایا جائے گا یا پھر پوری دنیا کے صارفین کیلئے دستیاب ہو گا۔ 

واضح رہے کہ سماجی رابطوں کیلئے استعمال ہونے والی مختلف ایپلی کیشنز اور پلیٹ فارم اپنے اپنے صارفین کو جدید اور نت نئے فیچرز فراہم کرنے کیلئے کوشاں رہتی ہیں اور وقت گزرنے کیساتھ ساتھ مقابلے کے اس رجحان میں بھی اضافہ ہوا ہے جس کے باعث آئے روز نئے فیچرز بھی دیکھنے کو ملتے ہیں۔