کراچی: شہرقائد میں رینجرز اور پولیس آپریشن نے مشترکہ کارروائی کرتے ہوئے6 ملزمان گرفتار جبکہ 9 کو حراست میں لے لیا ۔ رینجرز ذرائع کے مطابق اسکاﺅٹ کالونی میں واقع رہائشی عمارت کے فلیٹوں میں سرچ آپریشن کیا گیا جس میں رینجرز کے 50 سے زائد اہلکاروں نے حصہ لیا۔آپریشن میں رینجرز کے نقاب پوش کمانڈوز بھی تھے.
کارروائی کے دوران انتہائی مطلوب 2 ملزمان کو گرفتار کرکے تفتیش کے لئے نامعلوم مقام پر منتقل کردیا گیا۔ ملزمان کا تعلق کالعد م تنظیم سے ہے۔دوسری جانب شاہ فیصل کالونی نمبر 3،4،5 میں پولیس نے کارروائی کرتے ہوئے 9 مشتبہ ملزمان کو حراست میں لے لیا۔ملزمان میں ایک مفرور جبکہ پولیس پر حملے کا ایک ملزم بھی شامل ہے جن کے قبضے سے اسلحہ اور چھینی گئی موٹرسائیکل ملی ہے۔ادھر نیو کراچی صنعتی ایریا سے اسٹریٹ کریمنل محمد حسین گرفتار، جبکہ ملزم سے اسلحہ اورچھینی گئی موٹرسائیکل برآمد ہوئی، موٹر سائیکل بلال کالونی سے چھینی گئی تھی۔جیکسن کیمارڑی میں کارروائی کے دوران ملزم سعید گرفتار ہوگیا۔
گرفتار ملزم کے قبضے سے بغیر لائسنس پستول برآمد ہوئی، جس کے کیخلاف پولیس نے مقدمہ درج کرلیا ہے۔گلبہار پولیس کی حاجی مرید گوٹھ اور فردوس کالونی میں کارروائی میں 2ملزمان گرفتار ہوئے۔ گرفتار ملزمان سے اسلحہ اورمنشیات برآمدہوئی ہے۔
