نیلم: وزیر جنگلات سردار میراکبر خان نے کہا ہے کہ بھارت کی طرف سے لائن آف کنٹرول پر جارحیت قابل مذمت ہے ۔ بھارتی ریاستی دہشت گردی کے اب لائن آف کنٹرول پر معصوم کشمیریوں کا قتل عام کر رہا ہے ۔ اقوام متحدہ کو بھارتی جارحیت کا نوٹس لینا چاہیے اور بھارت پر اقتصادی پابندیا ں لگانی چاہیے۔ ان خیالات کا اظہار انھوں نے سی ایم ایچ گزشتہ روز بھارتی فائرنگ کے نتیجہ میں زحمی ہونے والے افر اد کی عیادت کے بعد صحافیو ں سے گفتگو کرتے ہوئے کیا ۔ ان کا کہنا تھا کہ بھارت مقبوضہ کشمیر میں نہتے کشمیریوں پر مظالم ڈھارہا ہے اور لائن آف کنٹرول پر مسلسل جارحیت کرکے معصوم کشمیریوں کو شہید کررہا ہے ۔ جس کا اس کو حساب دینا پڑے گا ۔ ہماری بہادر افواج ہماری سرحدوں کی محافظ ہے اور عوام بھی ان کے شانہ بشانہ کھڑی ہے ۔ بھارت جارحیت سے کشمیریوں کو جذبہ حریت کو دبا نہیں سکتا ۔ کشمیریوں کا خون ضرور رنگ لائے گا۔ اور کشمیر آزاد ہوکر رہے گا ۔ وزیر جنگلا ت سردار میر اکبر خان نے سی ایم ایچ میں نیلم ویلی میں فائرنگ سے زحمی ہونے والے افراد کی عیادت کی ۔ اور شہدا ء کے لواحقین سے اظہار ہمدردی کرتے ہوئے گہر ے رنج وغم کا اظہا رکیا ۔اور کہا کہ لائن آف کنٹرول پر عوام کو تنہا نہیں چھوڑیں گے۔