وزیراعظم کی فٹ پاتھ پر سونے والوں کو ٹینٹ اور کھانا فراہم کرنے کی ہدایت

وزیراعظم کی فٹ پاتھ پر سونے والوں کو ٹینٹ اور کھانا فراہم کرنے کی ہدایت
تصویر بشکریہ ٹوئٹر

اسلام آباد:وزیراعظم عمران خان نے ایک اور شاندار اقدام اٹھالیا ہے اور بے گھر افراد اور فٹ پاتھ پر سونے والوں کو ٹینٹ اور کھانا فراہم کرنے کی ہدایت کردی ہے۔


تفصیلات کے مطابق وزیراعظم عمران خان نے وزیر اعلیٰ پنجاب سردار عثمان بزدار کو فٹ پاتھ پر سونے والوں کو ٹینٹ اور کھانا فراہم کرنے کی ہدایت کرتے ہوئے کہا ہے کہ شیلٹر ہوم کی تعمیر تک کھانا اور ٹینٹ فراہم کئے جائیں۔

وزیراعظم نے سماجی رابطے کی ویب سائٹ ٹوئٹر پر پیغام جاری کیا کہ پشاور اور کراچی میں بھی اس مقصد کیلئے مقاما ت کا انتخاب کیا جا رہا ہے جبکہ شیلٹر ہوم کی تعمیر تک کھانا اور ٹینٹ فراہم کئے جائیں۔