لاہور (ویب ڈیسک) وائرل گرل دنا نیر مبین نے ایک بار پھر اپنی نئی ویڈیو سے خبروں میں جگہ بنا لی ہے ۔
سوشل میڈیا پر شمالی علاقہ جات کی سیر کے دوران ایک ویڈیو سے شہرت پانے والی پاوری گرل دنانیر مبین کی ڈانس ویڈیو نے انٹرنیٹ پر خوب دھوم مچا رکھی ہے۔
گزشتہ دنوں انٹرنیٹ پر شئیر ہونے والی دنانیر کی یہ ویڈیو ایک شادی کی تقریب کی ہے، پاوری گرل بھی اس تقریب کا حصہ ہیں اور دیگر دوستوں کے ہمراہ ڈانس کرتی نظر آ رہی ہیں۔ تقریب میں موجود افراد بھی رقص سے خوب محظوظ ہوتے نظر آرہے ہیں۔ جبکہ ویڈیو کو سوشل میڈیا پر بھی پسند کیا جا رہا ہے اور دنا نیر کی ڈانس کرنے کی صلاحیت کی بھی تعریف کی جا رہی ہے۔
خیال رہے کہ دنانیر اکثر اپنے انسٹا گرام اکاؤنٹ پر تصاویر شئیر کرتی رہتی ہیں اور مداحوں کی توجہ کا مرکز بنی رہتی ہیں، اب تک پاوری گرل کے انسٹاگرام پر 1.6 ملین سے زائد فالوورز ہیں۔
