ورلڈ کپ ٹرافی3 اکتوبر کو نمائش کیلئے پاکستان لائی جائے گی

ورلڈ کپ ٹرافی3 اکتوبر کو نمائش کیلئے پاکستان لائی جائے گی
فوٹو: فائل

دبئی: انٹرنیشنل کرکٹ کونسل (آئی سی سی) نے ون ڈے کرکٹ ورلڈ کپ 2019کی ٹرافی ٹور کا اعلان کردیا۔ورلڈ کپ ٹرافی 5 براعظموں کے 21 ممالک اور 60 شہروں کا دورہ کرے گی۔


آئی سی سی کی جانب سے جاری کیے گئے اعلامیے کے مطابق ٹرافی ٹور کا آغاز 27 اگست سے آئی سی سی ہیڈکوارٹرز دبئی سے ہوگا۔یہ ورلڈکپ ٹرافی پاکستان بھی لائے جائے گی اور 3 سے 5 اکتوبر تک لاہور، 6 سے 8 اکتوبر تک اسلام آباد اور 9 سے 13 اکتوبر تک کراچی میں نمائش کے لیے رکھی جائے گی۔دوسری جانب کہ نو مہینے پر مشتمل اس ٹور کے دوران ٹرافی صرف ان ہی ممالک میں نہیں جائے گی، جو ٹورنامنٹ میں حصہ لے رہے ہیں بلکہ پہلی مرتبہ یہ ٹرافی ان 11 ممالک میں بھی نمائش کے لیے رکھی جائے گی، جہاں کرکٹ اتنی نہیں کھیلی جاتی۔ ان ممالک میں نیپال، امریکا اور جرمنی شامل ہیں۔

واضح رہے کہ کرکٹ ورلڈکپ اگلے سال 30 مئی سے 14 جولائی تک انگلینڈ اور ویلز میں کھیلا جائے گا۔